 ესპანეთის ფეხბურთელთა ეროვნული ნაკრებისა და ინგლისის "ლივერპულის" თავდამსხმელმა ფერნანდო ტორესმა, ჩემპიონთა ლიგაში მადრიდის "რეალთან" გამართულ შეხვედრაში ტრავმა მიიღო და გუნდს გაურკვეველი ვადით გამოაკლდა.
BBC-ის ინფორმაციით, კლუბში ჯერ არ იციან რამდენად სერიოზულია ესპანელის ტრავმა, თუმცა, ცნობილია, რომ ტორესი საკუთარ გუნდს ინგლისის პრემიერლიგის მორიგ ტურში, "მიდლსბროსთან" ვერ დაეხმარება.
"ჯერჯერობით, ვერაფერს ვიტყვით. შესაძლოა, მას რამდენიმე თამაშის გამოტოვება მოუხდეს. მომდევნო შეხვედრა სამ დღეში გველის და იქ ტორესი ნამდვილად ვერ დაგვეხმარება" - განაცხადა "ლივერპულის" მთავარმა მწვრთნელმა რაფაელ ბენიტესმა.
|
