იტალიის სერია A-ს უახლოესი ტურის შეხვედრა, რომელშიც "რომა" ჩემპიონატის
ლიდერ "ინტერს" უმასპინძლებს, დედაქალაქელთა კაპიტნის, ფრანჩესკო ტოტის
გარეშე ჩაივლის. Channel4--ის ინფორმაციით, რომაელთა სიმბოლომ ხუთშაბათს
ვარჯიშის დროს მარჯვენა მუხლის არეში ტკივილი იგრძნო, რის გამოც იძულებული
გახდა საწვრთნელი პროცესი შეეწყვიტა.
რამდენად სერიოზულია ტოტის ტრავმა, ეს უახლოეს დღეებში, საფუძვლიანი
სამედიცინო შემოწმების შემდეგ გახდება ცნობილი, თუმცა იმის თქმა ახლავე
შეიძლება, რომ "ინტერთან" შეხვედრაში "ჯალოროსის" კაპიტანს სტატისტის
როლით მოუწევს დაკმაყოფილება.
შეგახსენებთ, რომ ტოტი უკვე რამდენი ხანია ვერ ახერხებს სრულად
გამოჯანმრთელებას. სწორედ ტრავმების გამოა, რომაელთა კაპიტანმა მიმდინარე
სეზონში მხოლოდ 16 მატჩის ჩატარება რომ მოახერხა. ტოტის პროფესიული
კარიერა 1992 წლიდან დაიწყო და მას შემდეგ "ჩესკოს" "რომას" ფორმა არცერთი
სხვა კლუბის მაისურზე არ გაუცვლია. მან დედაქალაქელთა შემადგენლობაში
ჩატარებულ 410 მატჩში 171 გოლი გაიტანა. იტალიის ეროვნული გუნდის ღირსებას
იგი 1998-2006 წლებში იცავდა - 58 სანაკრებო მატჩში ტოტიმ 9 გოლის გატანა
მოახერხა.
ბოლოს შეგახსენებთ, რომ დედაქალაქელები, 43 ქულით, გათამაშების ცხრილის მეექვსე საფეხურზე იმყოფებიან და
|
